اوضة السفره

ترابيزة و كراسى لاتنين.

اوضة السفره هيا اوضه فى بيت بيكون فيها ترابيزة السفره. الترابيزه او الطرابيزه (نطق: /tɑrɑˈbeːzɑ/; من اليونانى: Τραπέζι  Trapézi; بالانجليزى: Table) عبارة عن شكل من اشكال العفش (الأثاث) اللى بيبقى موجود فى البيوت و المكاتب, بتبقى غالبا مسطحه من فوق و متدعمه و واقفه من تحت باربع رجلين.

اوضة السفره بتستخدم فى ان العيله تاكل فيها. الترابيزة بتستخدم فى حاجات كتير زى حط الاكل عليها و حط الورق او حط اى حاجه عليها. الترابيزة غالبا بتبقى موجود معها كراسى بيتقعد عليه و غالبا بيبقى فى طول مضبوط للترابيزة عشان اللى قاعد بيبقى مرتاح و هو بيستخدم الحاجه المحطوطه على الترابيزة.

الترابيزات بتبقى معموله من الخشب او المعادن او البلاستيك او الازاز. الترابيزة كمان ممكن تتحط عليها فزات و مفارش و ازاز للزينه كنوع من انواع الديكور اللى بيحلى شكل الغرفة. الترابيزة مش متحدده بشكل معين ممكن تبقى مدوره او مستطيله.

كلمة ترابيزة بتعتبر من التأثيرات اللغه اليونانى فى المصرى.

Copyright