Marmeloode

Amrum.pngTekst üüb Öömrang


Marmeloodeglees bi a kuupmaan

Marmeloode as en iidj, diar faan früchten an soker maaget woort. Det könst dü üüb bruad kliam of uk brük, am tjuarel of joghurt en sweten smaag tu dun.

Miast wurd tau traaden soker mä ian traaden früchten apkööget, amdat det marmeloode gud tu kliamen as. Bi enkelt früchten üs eerdbeien of plumen koon't uk en betj maner soker wees. Bi ööder früchten üs riiblisen of solbeien skal't en betj muar soker wees.

Uun ingelskspreegen lunen woort onerskääst tesken marmalade (huuchsjiisk: Marmelade), det woort faan Citrusfrüchten maaget, an jam (huuchsjiisk: Konfitüre) faan ööder früchten. Marmeloode, diar faan früchtsaft maaget woort, as en Jelee.

Uk faan nöden koon sweten maaget wurd, det het do oober ei marmeloode. Diar jaft at nödenmuus (faan Eerdnöden of Mandelnöden), kastanjinmuus (Echt Kastanjin), nugatkreem (Haaselnöden).

Copyright