Hispania

Opus arcuatum Segoviae in Hispania.

Communitatum autonomarum Hispaniae tabula.

Hispania^[1] (Hispanice: España) sive Regnum Hispaniae (Hispanice Reino de España) est civitas sui iuris in paeninsula Iberica, parte Europae Occidentalis ubi Lusitania quoque est. Rectionis forma est monarchia constitutionalis. Numerus incolarum est 46 733 038.^[2]

Sitae sunt Hispaniarum terrae aeque ac Lusitania et Gibraltar, territorium transmarinum Britannicum, in Iberica paeninsula inter 36° et 43,5° gradus latitudinis septentrionalis et inter 9° occidentalis et 3° orientalis gradus longitudinis (exceptae sunt Baliares, Canariae Insulae, Septa et Rusadir). Septimarum partium regnum Hispaniae sextas continet. A boreo-occidente Pyrenaeus mons Hispanias ab Francogallia et civitatula Andorrae divisit.

Praeter hos tractus etiam insulae Baliares et Canariae in Oceano Atlantico sitae et oppida iuxta oras Africae nomine Septa atque Rusadir regno patent. Oppidum Hispanicum Iulia Livica ubique Francogallia cingitur.

Hispania sita est in paeninsula Iberica, cuius regio media est planitia ampla (Hispanice Meseta Central. Sunt in Hispania tria magna flumina: Durius, Anus, et Tagus. Hac in planitie situm est Matritum, caput et maxima Hispaniae urbs.

Mons Carpetanus (Sistema Central) planitiem dividit in duas partes, planitiem septentrionalem et planitiem meridionalem. Planities etiam finitima est montibus Cantabricis, montibus Ibericis (Sistema Iberico) et Saltibus Castulonensibus (Sierra Morena).

Hiberus flumen, quod per Vallum Iberi fluit, inter Montem Ibericum et Pyrenaeos, est longissimum Hispaniae, vallis autem fecundissima. Summa huius vallis est urbs Caesaraugusta.

Regio Baetica in valle Baetis iacet, infra saltum Castulonensem, cuius litus orientale est frequentissimum apud regiones Valentia, Catalonia, et Murcia.

Fluminum Hispaniae permulta sunt, et secundum regiones dissimiles.

Isidorus Hispalensis Hispaniam sic adlocutus est:

Omnium terrarum, quaeque sunt ab occiduo usque ad Indos, pulcherrima es, o sacra, semperque felix principum, gentiumque mater Hispania. Jure tu nunc omnium regina provinciarum, a qua non Occasus tantum, sed etiam Oriens lumina mutuat. Tu decus, atque ornamentum orbis, illustrior portio terrae: in qua gaudet multum ac largiter floret Geticae gentis gloriosa fecunditas.

Hispania hodierna terras circumplectitur ex antiquis provinciis Romanis Hispania Tarraconensi, Baetica, et parte Lusitaniae Romanae. Fuerunt a Visigothis captae usque ad annum 711, cum Mauri eos superaverunt.

Regnum Hispanum de facto conditum est cum anno 1469 Reges Catholici Hispaniae Isabella I regina Castellae (1451–1504) et Ferdinandus II Rex Aragoniae (1452–1516) matrimonio iuncti sunt. Haec civitas a coniunctione personae regis constituta rite appellata est Monarchia Hispanica.

De iure Regnum Hispanum anno 1700 conditum est, cum Carolo II defuncto, Philippus V, rex qui diadema impositum est, regnum creavit e regnis Castellae, Legioni, Aragoniae, Valentiae, et Comitatibus Catalaunicis.

Die 28 Octobris 1982 factio Socialistica Philippus González duce suffragium parlamenti vicit.

Hispania est divisa in septendecim communitates autonomas, quae cunctae quinquaginta provincias continent.

Aragonia
- Provinciae: Caesaraugustae, Oscae, Terulii
- c. Caesaraugusta

Vandalitia
- Provinciae: Hispalis, Cordubae, Onubae, Malacae, Gadium, Granatae, Aurgii, Porti Magni
- c. Hispalis,

Canariae Insulae
- Provinciae: Sanctae Crucis Nivariae, Palmarum Canariae
- c. Sancta Crux Nivariae et Palmae Canariae

Cantabria
- c. Portus Victoriae Juliobrigensium

Castella et Legio
- Provinciae:Legionis, Palantiae ^[3], Burgorum^[4], Soriae^[3], Segoviae, Abulae, Salmanticae, Ocelloduri^[3], Valdoleti
- c. Valdoletum (Valladolid)

Castella-Manica
- Provinciae: Toleti, Guadalaxarae, Concae^[3], Albasiti, Urbs Regia
- c. Toletum

Catalonia
- Provinciae: Barcinonis, Tarraconis, Ilerdae, Gerundae
- c. Barcino

Communitas Matriti
- c. Matritum

Communitas Foralis Navarrae
- c. Pompaelo vel Pompeiopolis

Communitas Valentiana
- Provinciae: Valentiae, Lucenti, Castalia
- c. Valentia

Extremadura
- Provinciae: Norbae Caesarinae, Pax Augusta^?
- c. Emerita Augusta

Gallaecia
- Provinciae: Luci Augusti, Brigantii, Pontis Veteris^?, Aurii^?
- c. Sancti Iacobi Compostellae

Insulae Baleares sive Insulae Baliares
- c. Palma

Rioiia
- c. Lucronium

Vasconia
- Provinciae: Biscaia, Alava, Ipuscoa
- c. Nova Victoria

Principatus Asturiarum
- c. Ovetus

Regio Murciae
- c. Murcia^[3]

Vide Index Urbium Hispaniae

Altman, Ida. 1989. Emigrants and Society, Extremadura and America in the Sixteenth Century. Berkeleiae: University of California Press.
Barton, Simon. 2009. A History of Spain.
Bertrand, Louis, et Charles Petrie. 1956. The History of Spain. Ed. secunda.
Carr, Raymond, ed. 2000. Spain: a history. Novi Eboraci: Oxford University Press.
Casey, James. 1999. Early Modern Spain: A Social History.
Gates, David. 2001. The Spanish Ulcer: A History of the Peninsular War. Da Capo Press. ISBN 978-0-306-81083-1.
Elliott, J. H. 1963. Imperial Spain, 1469–1716.
Elliott, J. H. 1970. The Old World and the New. Cantabrigiae.
Esdaile, Charles J. 2000. Spain in the Liberal Age: From Constitution to Civil War, 1808–1939.
Kamen, Henry. 2005. Spain: A Society of Conflict. Ed. tertia. Londinii et Novi Eboraci: Pearson Longman.
Lynch, John. 1994. The Hispanic World in Crisis and Change: 1598–1700.

Porta Unionis Europaeae

Hispania in aetate Imperii Romani apud gottwein.de (Atlas antiquus: Mappa interactiva)
Tempestate providentia

Other Languages

Copyright

This page is based on the Wikipedia article Hispania; it is used under the Creative Commons Attribution-ShareAlike 3.0 Unported License (CC-BY-SA). You may redistribute it, verbatim or modified, providing that you comply with the terms of the CC-BY-SA.