10. November

De 10. November is de 314. Dag in’n Gregoriaanschen Klenner. In Schaltjohren is dat de 315. Dag.


Politik un Sellschop

  • 917: In Forchheim warrt Konrad de Jüngere to’n König vun dat Oostfrankenriek wählt.
  • 1202: Dat Heer vun’n Veerten Krüüztog dröpt vör de Stadt Zara in un ünnerstütt de Belagern dör de Republiek Venedig.
  • 1430: De oostfreeschen Hööftlingen sluut en Freeheitsbund vun de Söven Oostfreeslannen gegen Focko Ukena (Freesch Freeheit).
  • 1775: In’n Amerikaanschen Unafhangigskeitskrieg warrt dör Besluss vun’n 2. Kontinentalkongress dat United States Marine Corps grünnt.
  • 1799: De Franzöösch Revolutschoon geiht to End. Na den Staatsstriek vun’n 18. Brumaire VIII warrt dat Direktorium afsett un Napoléon Bonaparte warrt to’n eersten Konsul maakt.
  • 1884: de Koopmann Carl Peters kummt op Sansibar an, wo he anfangt Schuulverdräg to sluten. dorut warrt later Düütsch-Oostafrika.
  • 1914: In’n Eersten Weltkrieg in de Eersten Flandernslacht bi Langemark gifft dat bannig grote Verluste. Dorut kummt de Mythos vun Langemarck tostannen.
  • 1918: In de Novemberrevolutschoon geiht Kaiser Wilhelm II. in’t Exil in de Nedderlannen.
  • 1952: De norweegsche Sozialdemokrat Trygve Lie gifft Bott as eersten Generalsekretär vun de Vereenten Natschonen, ofschoonst he 1951 wedder wählt wurrn weer. He meent, sien Amt möök keen Sinn mehr.
  • 1975: Mit de Resolutschoon 3379 leggt de UN-Generalversammln fast, dat Zionismus en Form vun Rassismus un Rassendiskrimeeren is. De Resolutschoon warrt an’n 16. Dezember 1991 wedder torüch nahmen.
  • 1983: Hans Koschnick warrt to'n 5. Mol Bremer Börgermeester. Bremer Senat un nee Lannsregeern vun Bremen is de Senat Koschnick V
  • 2005: In de jordaanschen Hööftstadt Amman kummt 53 Minschen bi Sprengstoff-Anslääg in dree internatschonale Hotels üm.
  • 2011: Loukas Papadimos wurrd Baas vun en Övergangsregeeren in Grekenland.

Kunst, Kultur un Bowark

  • 1754: Dat musikaalsch Drama L'Issipile vun Ignaz Holzbauer warrt in Mannheim ooropföhrt.
  • 1797: De komische Oper Le Dénouement inattendu vun Henri Montan Berton warrt in Paris ooropföhrt.
  • 1862: De Oper La forza del destino vun Giuseppe Verdi warrt in Sankt Petersborg ooropföhrt.
  • 1928: De Vossische Zeitung in Berlin fangt mit den Vörafdruck vun den Roman Im Westen nichts Neues vun Erich Maria Remarque.
  • 1958: Dat Theaterstück Der aufhaltsame Aufstieg des Arturo Ui vun Bertolt Brecht warrt in Stuttgart ooropföhrt.
  • 1969: In de USA warrt to’n eersten mol de Sesame Street (dt.: Sesamstraße) in’n Feernsehn wiest.

Wetenschoppen un Technik

  • 1885: Twüschen Cannstatt un Ünnertörkheem warrt to’n eersten mal de vun Wilhelm Maybach konstrueerte Riedwagen utprobeert, wat en Vörlöper vun’t Motorrad is.
  • 1983: De Student Fred Cohen stellt an de University of Southern California den weltwiet eersten Reeknervirus op en Unix-System vör.
  • 2005: SALT, dat gröttste optische Teleskop op de Süüdhalfkugel, warrt vun den süüdafrikaanschen Präsident Thabo Mbeki in Bedriev nahmen.

Religion

  • 1943: In Hamborg warrt de Lübecker Märtyrers hinricht. Dat weern de kathoolschen Priesters Johannes Prassek, Eduard Müller un Hermann Lange, as ok de evangeelsche Pastor Karl Friedrich Stellbrink.

Katastrophen

  • 1940: En Eerdbeven mit de Magnitude MS = 7,3 köst in Rumänien ruchweg 1.000 Minschenleven.
  • 1944: In’n Marinesüttpunkt Manus op’n Bismarck-Archipel explodeert de Munitschoonstrasporter Mount Hood vun de US-Marine. 1.000 kommt dorbi üm, dörtig Scheep nehmt Schaden.
  • 1946: Üm un bi 1.400 Minschen starvt bi en Eerdbeven mit de Magnitude MS = 7,3 in Ancash, Peru.

Other Languages

Copyright