Daniel Jensen

Daniel Jensen (* 25. Juni 1979 in Kopenhagen) is en däänschen Footballer. He is Stammspeler in de däänsche Natschonalmannschop. In'n Momang speelt he för den SV Werder Bremen in de Football-Bundsliga.

Vereen

Jensen sien Weg füng an ni B.93 Kopenhagen. Profi is he in dat Johr 1996 wurrn. Twee Johr later wessel he to’n SC Heerenveen in de Provinz Freesland in de Nedderlannen. Dor möök he mehr as 100 Speele un güng denn in dat Johr 2003 ohn Aflöös na den spaanschen Upstieger Real Murcia. Dor kreeg he en Verdrag över een Johr. Murcia is leste in de Primera Division wurrn un möss wedder afstiegen. Dor woll Jensen den Vereen verlaten, man Murcia trock de Optschoon to’n Verlängern vun den Verdrag. Nu möss för Jensen en Aflöös betahlt weern. In’n Juli 2004 güng he denn för 1 Mio. € na Bremen to den SV Werder. Toeerst hett dat en ganze Tied duert, ehr he sik in’n Middelfeld vun Werder dörsetten konn. Man nadem he in de Henrunn över alle Maten goot speelt harr, verlänger he sien Verdrag an’n 22. Januar 2008 bit to’n 30. Juni 2011.

Natschonalmannschop

Sien eerst Lännerspeel för Däänmark hett he in’n Februar 2002 ünner Trainer Morten Olsen maakt. Midderwielen is he Stammspeler wurrn.

Daniel Jensen is verheiraat’ mit Nicole un hett twee Kinner. En Dochter mit Naam Noëmi un en Söhn, de Luca heten deit. Sien öllern Broder is Niclas Jensen.

  • DFL-Ligapokal-Winner 2006 mit Werder Bremen

Copyright