Dieter Seeler

Graff vun Dieter Seeler

Dieter Seeler (* 15. Dezember 1931 in Hamborg-Rodenborgsort; † 21. September 1979 in Hamborg) weer en düütsch Footballspeler.

De Söhn vun Erwin Seeler stunn während sien Karriere woll meest in de Schaa vun sien jünger Bröer Uwe, hett sück aber as Stürmer (un later as Butenlöper) ok en eegen Naam makt.

Dieter Seeler speel in jung Johren tonächst – as sien Vader – bi den Hamborger SV, wessel denn aber to den Traditschonsklub Altona 93, för de he van 1952 bit 1955 insgesamt 67 Böverligaspelen makt un orbi 31 Doren schaaten hett. Dor speel he ünner annern mit Heinz Spundflasche un Werner Erb tosommen.

Dornah gung he weer to den HSV torüch un hett för dissen Vereen bit 1963 wiedere 208 Böverligaspelen (46 Doren) makt. In disse Tiet fallen ok sien gröttsten Erfolge: achtmal in Serie Noorddüütsch un eenmal Düütsch Meester (1960) mit dat folgend Erreichen vun dat Halffinale in‘ Europapokal. Dorto wurr he 1963 DFB-Pokalwinner; in dit Endspeel weer he denn ok HSV-Mannschafpskapitän. Sien eenzig internatschonal Insatz för Düütschland harr he 1959 mit de B-Natschonalelf tegen Ungarn.

1965 hett he sien Karriere beend. Vördem harr he aber noch 28 Bundsliga-Spelen maakt un dorbi twee Doren schaaten.

Dieter Seeler is 1979 an Nierenverseggen storven.

  • Norbert Carsten: Altona 93. 111 Ligajahre im Auf und Ab. Göttingen 2003 (Die Werkstatt) ISBN 3-89533-437-5
  • KICKER-Almanach 2004. München 2003 (Copress) ISBN 3-7679-0803-4
  • KICKER spezial. 35 Jahre Bundesliga. Bilaag to dat Sünnerheft 1998/99
  • Jens Reimer Prüß (Hg.): Spundflasche mit Flachpaßkorken. Die Geschichte der Oberliga Nord 1947-1963. Essen 1991 (Klartext) ISBN 3-88474-463-1

Other Languages

Copyright