James Cosmo

James Cosmo in’t Johr 2014
(Foto: Patrick Subotkiewiez)

James Cosmo (* 24. Mai 1948 in Clydebank, Schottland) is en britischen Schauspeler.

James Cosmo is de Söhn vun den Schauspeler James Copeland. He hett de Royal Scottish Academy of Music and Dramatic Art besöcht un weer dorna ok noch op de Bristol Old Vic Drama School. Siet 1966 hett Cosmo lütte Rullen in Feernsehregen hatt, sien eersten Film hett he 1969 dreiht (Battle of Britain). Siet de Tiet is he in tallrieke Film- un Feernsehprodukschonen to sehn wesen. Vunwegen sien Statur un Grött is he faken in de Rullen vun kriegerische Figuren besett worrn. Ünner annern hett he in Filmen as Highlander, Braveheart un Troy mitspeelt, as ok in de spoodrieke Feernsehreeg Game of Thrones.

Siet den 24. Mai 2000 is James Cosmo mit Annie Harris verheiraat.

Cosmo is bit hüüt (März 2017) veermol för Filmpriesen vörslahn wesen und mit dree dorvun uttekent worrn:

  • 2011: mit den BAFTA Scotland Award in de Kategorie Best Dorsteller – Film för Donkey
  • 2015: mit den Pries for’t beste Dorstellen in en britischen Speelfilm vun’t Edinburgh International Film Festival för The Pyramid Texts
  • 2016: mit den Jury-Pries vun’t Raptor Filmz Short Scottish Film Festival in de Kategorie Best Schauspeler för Hole

Copyright