John Stuart (Schauspeler)

John Stuart (börgerlich John Alfred Louden Croall; * 18. Juli 1898 in Edinburgh, Schottland; † 17. Oktober 1979 in London) weer en schottischen Schauspeler un teemlich ansehn Leading Man in’n britischen Stummfilm vun de 1920er Johren.

Stuart hett 1920 bi’n Film anfungen. Na enigen Spood mit Stummfilmen as Hindle Wakes (1927) vun Maurice Elvey keem 1929 ok sien eersten Toonfilm Kitty vun Victor Saville good an. He harr in beide Filmen de Hööftrull, as ok in vele annere Enn vun de 1920er Johren. Stuart hett al in de Anfangstiet vun’t britische Feernsehn v eel för dat ne’e Medium arbeit. Sien letzte Kinorull speel he 1978 in den Film Superman. Noch in’t Johr as he storven is, weer he in en Feernsehepisood to sehn. He hett as Schauspeler in alltohopen 175 Kino- un Feernsehrullen optreden.

In’t Johr 1930 hett Stuart de Schauspelersche Muriel Angelus heiraat, de he in’t glieke Johr bi de Dreiharbeiten to de romantischen Kummedie No Exit drapen harr. Jemehr Eh hett teihn Johren anduert. Kinner harrn de beiden nich.

Stuart sien Graff befinnt sik in’t Brompton Cemetery in London.

Copyright