Maggie Q

Maggie Q op de San Diego Comic-Con 2010

Maggie Q (* as Margaret Denise Quigley an’n 22. Mai 1979 in Honolulu, Hawaii) is en US-amerikaansche Schauspelerin un Fotomodell.

Maggie Q is de Dochter vun en US-Amerikaner un en Vietnamesche. Se füng in Japan un China an as Model to arbeiten. In China hett se 1997 ok ehr eerste Rull as Schauspelersche in en Feernsehreeg hatt un speel dorna in verschedene asiaatsche Filmen mit. In Hollywood harr se en poor lüttere Rullen, bit se 2006 mit Mission: Impossible III an de Siet vun Tom Cruise un ’n beten later in Live Free or Die Hard an de Siet vun Bruce Willis un Timothy Oliphant internatschonal bekannt worrn is. Siet 2010 speelt se de Titelrull in de Feernsehreeg Nikita.

Maggie Q is Vegetariersche un ünnerstütt de weltwiet gröttste Deerschuulorganisatschoon PETA.

Maggie Q bi de britischen Premiere vun Mission: Impossible III, 2006

Maggier Q weer 2009 mit den Maverick Award vun’t Hawaii International Film Festival uttekent. Bito weer se 2011 un 2012 för den Teen Choice Award vörslahn för ehr Dorstellen in de Feernsehreeg Nikita, hett aver beid mol nich wunnen.

Copyright