Peanuts Holland

Herbert Lee „Peanuts“ Holland (* 9. Februar 1910 in Norfolk, Virginia; † 7. Februar 1979 in Stockholm) weer en US-amerikaansch Jazztrompeter un Singer vun den Swing. He speel unner annern mit Coleman Hawkins, Fletcher Henderson und Don Byas.

Peanuts Holland speel anfangs in de Jenkins Orphanage Band un denn 1929–33 bi Alphonse Trent in de Süüdstaaten vun de USA. He harr eegen Orchester mit Earl Bostic un Slam Stewart (1933–38), dortüschen geev dat kört Perioden wo he mit Willie Bryant un Jimmie Lunceford tosommenarbeit hett. Holland keem 1939 nah New York un speel bi Coleman Hawkins, arbeit dornah bi Fletcher Henderson 1940 un Charlie Barnet 1941–46. Mit de Band vun Don Redman gung he 1946 (gemeensam mit Don Byas) nah Europa un is dornah meest as Solist mit eegen Band uptreden, vör allen in Frankriek un Skaninavien. Peanuts Holland harr grooten Infloot up de europäisch Nahkriegs-Jazzszene. 1963 speel he bi dat Americans-in-Europe-Konzert vun de Süüdwestfunk in Koblenz mit.

Sien Gesangsstil in sien humoristisch Oort ähnel de vun Dizzy Gillespie oder de vout-Stil vun Slim Gaillard. Good to hören is dat in de sien Komposition Cement Mixer vun 1947 mit de Don Byas Re-boppers.

Holland nehm Platten mit Don Byas, Guy Lafitte, Tyree Glenn, Dodo Marmarosa un Mezz Mezzrow up.

  • Peanut Butter Blues (1946)
  • Jazz in Paris – Bebop (Blue Star/Vogue, 1946-47) mit Don Byas
  • Don Byas: Don Byas 1946 / 1947 (Classics)
  • Guy Lafitte: Blue and Sentimental (Emarcy, 1954)
  • Peanuts Holland Sextet: Jazz In Paris: Peanuts Holland – Buck Clayton – Charlie Singleton (Emarcy, 1954) mit Guy Lafitte, Géo Daly, Jean-Claude Pelletier
  • Mezz Mezzrow: Mezz Mezzrow In Paris (JazzTime, 1955)
  • Martin Kunzler: Jazz-Lexikon, Reinbek, Rowohlt, 1988
  • Richard Cook & Brian Morton: The Penguin Guide to Jazz on CD, 6th Edition, London, Penguin, 2002 ISBN 0-14-017949-6.

Copyright