Robert Asher

Robert Asher (* 1915 in Brent (Middlesex), England; † 7. Dezember 1979[1] in London-Hackney[2]) weer en britischen Speelbaas.

Robert Asher füng mit sien Arbeit bi’n Film 1943 an. He weer Anfang twintig as he Helpsmann vun den Speelbaas Lance Comfort bi sien Kummedie When We Are Married weer. Disse Arbeit hett he bit 1959 in mehr as veertig Kinoprodukschonen maakt ünner annern an de Siet vun beropenene Speelbasen as Anthony Asquith, Ronald Neame, Ken Annakin oder Roy Ward Baker. Dorna hett he sülvst den Posten as Speelbaas utöövt. Sien eersten Film weer de Kummedie Follow a Star[3] mit Norman Wisdom in de Hööftrull. Mit em hett he de Johren dorna noch annere Filmen dreiht.

1967 is he vun’n Kinofilm na’t Feernsehn wesselt, för dat he in verschedene Feernsehregen arbeit hett. Ünner annern hett he Folgen för bekannte engelsche Regen as The Prisoner, The Avengers oder The Saint. Sien letzte Arbeit weer 1973 för de Feernsehreeg The Pathfinders. Asher is 1979 ddobleven. Sien ölleren Broder Jack Asher weer Kameramann bi’n Film.

  • Robert Asher. In: Jack Webster: A Final Grain of Truth: My Autobiography., 2013
  1. Angaav na: Film Fanatics Guide, Merlin Books Ltd., Braunton (Devon) 1988, S. 8
  2. Robert Asher in findmypast.co.uk
  3. Robert Asher. In: Geoff Mayer: Guide to British Cinema., Greenwood Publishing Group, 2003, S. 350

Copyright