Simone Hauswald

Simone Hauswald

Simone Hye-Soon Hauswald (* 3. Mai 1979 in Rottweil as Simone Hye-Soon Denkinger) is en ehmalge düütsch Biathletin.

In dat Öller vun söss Johren fung de Dochter vun en Süüdkoreanerin un en Düütschen mit dat Skilangloopen an. Se hett dat Skiinternat Furtwangen afslooten. Veer Johr later is se to'n Biathlon wessel. Hör Vereen weer de SC Goosheim. De Karrieredeeppunkt vun de Sportsuldatin weer 2002, as se up en Iesplaat utrutscht is un sück dorbi dat Schienbeen brook, wodör se in hör sportlich Entwicklung um een Johr nah achter smeeten wurr.

Bi de Olympisch Winterspelen 2006 in Turin weer se woll mit dat düütsch Team anreist, wurr aber blots as Ersatzlöperin nomineert. To Anfang vun de Saison 2008/2009 is se wegen en Achillessehnenreizung tonächst in' Alpencup in Obertilliach antreeden un kunn dor den 7,5 km Sprint un de 10 km Verfolgung winnen. Bi hör Saisondebüt in' Weltcup stunn Simone Hauswald bi dat twee Rennweekenenn' in Hochfilzen in' 7,5 km Sprint nah en fehlerfree Scheetleistung eerstmals in en Weltcup-Rennen ganz baben up dat Podest, de Verfolgung an' nächsten Dag hett se up Platz 3 afslooten. Bi de Biathlon-Weltmeesterschapen 2009 wurr Hauswald Tweet in' Sprint achter Kati Wilhelm aber vör Olga Saizewa un wunn hör eenzig Eenzelmedaille bi en Weltmeesterschap. Bi de ansluuten Verfolgung keem se up Rang 12, nahdem se achtmal vörbischaaten harr. Wiel Magdalena Neuner wurr, kreeg Hauswald noch en Insatz in de Mixed-Staffel un wunn tosommen mit Startlöperin Andrea Henkel, Arnd Peiffer un Michael Greis de Bronzemedaille.

Bi de Olympisch Winterspelen 2010 in Vancouver wunn se Bronze in' Massenstart achter Magdalena Neuner un Olga Saizewa un ok Bronze in de Staffel mit Kati Wilhelm, Martina Beck un Andrea Henkel.

Nah hör Sieg in' Sprint vun Oslo an' 18. März 2010 vör Darja Domratschawa un Anna Carin Zidek geev se gemeensam mit Martina Beck bekannt, hör sportlich Karriere nah de Saison 2009/2010 aftosluuten.[1][2] Hauswald kröön hör Karriere, as se mit den eersten Platz in dat Verfolgungsrennen to de wenig Biathletinnen upsluuten kunn, de in all Disziplinen Weltcuperfolge fiern kunnen, un buterdem nah den Massenstart all Eenzelrennen an' Holmenkollen wunn. An‘ 25. März 2010 wunn Hauswald dör den veerten Platz in‘ Sprint in Chanty-Mansijsk den Sprintweltcup vun de Weltcup-Saison 2009/10 un in de Gesamtwertung vun den Weltcup keem se up den tweeten Platz.

In dat letzt Rennen vun hör Loopbahn reck se an‘ 28. März 2010 in Chanty-Mansijsk gemeensam mit Magdalena Neuner, Simon Schempp un Arnd Peiffer den Weltmeestertitel in de Mixed-Staffel.

In‘ Mai 2008hett se wiels en gemeensam Urlaub hör Früend un Trainer Steffen Hauswald heiraadt.[3] An‘ 30. Dezember 2011 broch Hauswald Twillings up de Welt.[4]

  • Goldmedaille bi de Weltmeesterschapen 2010 in de Mixed-Staffel
  • Bronzemedaillen in‘ Massenstart un in de Staffel bi de Olympisch Winterspielen 2010 in Vancouver
  • Sülvermedaille bi de Weltmeesterschapen 2009 in‘ Sprint
  • Bronzemedaille bi den Weltmeesterschapen 2009 in de Mixed-Staffel
  • Bronzemedaillen bi de Weltmeesterschapen 2003 un 2004 mit de Fruenstaffel
  • Europameesterin mit de Staffel 2001 un 2002
  • Viez-Europameesterin in‘ Sprint 2001
  • tweefack Juniorenweltmeesterin
  • 5 Weltcupsiege
  1. Biathlon-WC Oslo: Martina Beck und Simone Hauswald geben Karriere-Ende bekannt., Biathlon-online.de van' 18. März 2010, afropen an' 2. Januar 2012
  2. [https://www.welt.de/welt_print/sport/article6839580/Hauswald-siegt-und-erklaert-Ruecktritt.html Hauswald siegt und erklärt Rücktritt, welt.de van' 18. März 2010, afropen an den sülvigen Dag
  3. [1] Die Hochzeitsglocken läuteten in der Biathlon-Familie.Biathlon-online.de van‘ 7. Mai 2008, afropen an‘ 2. Januar 2012
  4. [2] Simone Hauswald: Die Zwillinge sind da!, Biathlon-online.de van‘ 1. Januar 2012, afropen an‘ 2. Januar 2012

Copyright