Angoła

L'Angola el xe on Stato de ł'Africa sentrałe.
Ła confina a nord co ła Republica Democratica del Congo, a est col Zanbia, a sud co ła Namibia e a ovest ła se affacia so ł'Oçeano Atlantego. Ła fa parte del paexe anche ł'exclave de Cabinda che ła se cata al confine fra Republica Democratica del Congo e Republica del Congo.

Exquisite-kfind.png Par saverghene de pì, varda ła pajina Giografia de l'Angola.

Grande 1 246 700 km²[2][3].

L'Angola la xe cuerta da foreste, co fiumi e teren fetile.
La costa l'è longa e pescosa.

Exquisite-kfind.png Par saverghene de pì, varda ła pajina Storia de l'Angola.

Antighità

Come in tuti i paexi de l'Africa australe, i primi abitanti xera khoisan, un grupo de caciatori e racoglitori. I bantu xe rivà dal nord e sa tolto la majoria del teritorio.
I portoghexi xe rivà su le coste de l'Angola nel 1483. Un toco a la olta, tuta la costa de l'Angola pasò soto el control de i portoghexi. I olandesi gha conquistà Luanda nel 1643, ma i portoghexi sa ritolto la cità nel 1648.
En tel 1757, i portoghexi gha scominsià el comercio de i sciavi a partir da Cabinda.[no ghe xé ƚa fonte] Dopo un periodo de stasi, i portoghexi gha scominsià a conquistar l'interno nel XIX secolo.

Modernità

L'Angola xe diventà indipendente nel novembre 1975. Subito dopo, la guera civil gha oposto tre difarenti grupi (MPLA[4], UNITA e FNLA[5]). El Sudafrica gha atacà l'Angola par liberarse de i gueriglieri de la SWAPO che combatea per el control de la Namibia. En tel 1976, el FNLA fu distruto da i soldà cubani che iutava el MPLA. L'UNITA guidà da Jonas Savimbi l'era sostegnù da la Merica e da el Sudafrica.
El 1979, Jose Eduardo dos Santos l'è diventà el presidente e da alora el controla le sorti politighe del paexe. Nel 1997, i do grupi se sà acordà par un governo de unità nasional, ma la guera civil xe riscomincià nel 1998. Nel fevraro del 2002, Jonas Savimbi morì, copà da un comando de portoghexi che sera acordá co de i capi de l'UNITA.
I do grupi gha firmà n'acordo par governar el paexe. On paexe distruto da la guera e da la corusion, senza infrastruture, pien de campi minati. El governo dee anca tratar co el Fronte par la Liberazion de l'Enclave de Cabinda, doe se cata la majoria del petrolio. El governo l'è acusa de gravi abusi de i diriti mani, de corusion e de no utilizar ben i schei che vien dal petrolio.

La so cavedal la xe Luanda.

La ga 12 127 071 de abitanti (stima lujo 2006)[2].

Etnie

In Angola se cata tanti grupi etnici. I pì importanti xe: Ovimbundu 37%, Kimbundu 25%, Bakongo 13%, metici 2%, eoropei. El resto (22%) xe grupi picoli.

Religion

La majoria de la popolasion xe catolega. Ghe anca riti tradisionali, e picole comunità protestanti.

Lengoe

La lengoa oficial xe el portoghexe.

L'Angola xe uno de i paexi piassè richi de l'Africa. Ghe minerai de tute le soerti, diamanti, petrolio e gas. L'agricoltura no xe svilupà par colpa de la guera civil.

Quasi quatro milioni de angolani xe tornà nel paexe dopo la fin de la guera, ma la ristruturasion de l'agricoltura no la xe ancora partia.

  1. Ł'unità dà forsa
  2. 2,0 2,1 CIA Factbook - Angola
  3. na olta e meza l'Italia
  4. Movimento Popolar par la Liberasion de l'Angola
  5. Fronte Nasional de la Liberasion de l'Angola


Other Languages

Copyright